11 goe̍h Chhêng-á-kha, iau-chhiáⁿ ta̍k-ke lâi hun-hióng iû-lám keng-giām.

Ē-sái sī 1 tōaⁿ chhù-bī ê kò͘-sū, 1 pâi sêng-kong ê kè-e̍k, bô, kúi tiuⁿ siòng-phìⁿ mā chiâⁿ hó.

Hiān-tiûⁿ ē chún-pī 1 kóa lim--ê kap sì-siù-á, hoan-gêng tàu-tīn lâi khai-káng.

Sin-bûn put-sî teh kóng pòaⁿ-tō-thé sī Tâi-oân keng-chè ê kià-bāng, bān-kok khiàm Tâi-oân sio-thīn chiū ín kang-gia̍p kap kok-hông lóng bô thang chìn-tián. Pòaⁿ-tō-thé sī siáⁿ-mi̍h? Gia̍p-kài án-chóaⁿ thàn chîⁿ? Chit-ê sán-gia̍p chóaⁿ-iūⁿ tī Tâi-oân ē heng?

Tiuⁿ Chìn-kiông sian-siⁿ, sī Sin-tek Pún-thó͘-gí Chhui-kóng Hia̍p-hōe ê kò͘-būn, mā tī pòaⁿ-tō-thé kong-si chia̍h-thau-lo͘, chêng-āu 25 tang kú. Lán chit-hôe chhiáⁿ Tiuⁿ--sian-siⁿ lâi khui-phòa pòaⁿ-tō-thé ê tì-sek.